असार १० मेल्लेख
अछामको मेल्लेख गाउँपालिका वडा न.३ र ४ मा रहेको बर्थिङ सेन्टरमा कार्यरत अनमि नर्सिङ स्टाफ हरुका लागि, मातृ तथा बालबालिका स्वास्थ्य सेवा अन साइट सम्बन्धि तीन दिने तालिम सम्पन्न भएकाे छ ।
वाक नेपालकाे SEWA परियोजना अन्तर्गत कुयडा बिर्थिङ सेन्टरमा तालिम आईतवार सम्पन्न भएको हाे ।
तालिम सेवा प्रदायक हरुले गुणस्तरिय सेवाहरु प्रदान गर्नको लागि ज्ञान र सिपमा अभिवृद्धिका साथै सहजै सेवा प्रवाह हाेस भन्ने उदेश्यले संचालन गरिएको थियो ।
सेवा प्रदायकहरुको थप सीप र आत्म बिश्वास वृद्धि गरि मातृ शिशु तथा बालबालिकाकाे स्वास्थ्यमा सुधार ल्याउन कार्यक्रममा विभिन्न चरण हरु अपनाइएको थियो। जस्मा
-गुणस्तर सुधार सामग्री (चेक लिस्ट )को प्रयोग गरेर सेवा प्रदायकको मुल्यांकन गरिएको थियोे ।यस्तै
-कोच द्वारा क्लिनिकल सिपको प्रदर्सन
-कोचको सुपरिवेक्षणमा प्रशिक्षार्थिहरु द्वारा सीप प्रदर्सन (अभ्यास ), मोडल(डम्मि) तथा सेवा ग्राहिमा
– कोच द्वारा सेवा प्रदायकको सिपको दक्षताकाे मूल्यांकन समेत गरेकाे थियोे ।
बर्थिङ सेन्टरकाे स्थर उन्नति गुणस्तरीय सेवा प्रवाहमा सहजता ल्याउन सेवा परियोजनाले अछाम जिल्लाका तीन वटा पालिका – पन्चदेवल बिनायकको वडा नं ३ स्थित आधारभुत स्वास्थ्य केन्द्र, कमलबजार नगरपालिका २ स्थित प्राथमिक स्वास्थ केन्द्र, मेल्लेख गाउपालिका वडा न.३ र ४ गरि जम्मा चार वटा स्वस्थ्य सस्थामा मातृ तथा बालबालिकाकाे स्वास्थ्य सुधारमा काम गर्दै आइरहेको छ।
तालिमको सहजिकरण जिल्ला स्वास्थ्य कार्यालयमा कार्यरत सि अ न मि सुपरिवेक्षक टीका सर्मा ,वाक नेपाल सेवा परियोजना कार्यक्रम अधिकृत उमा अवस्थीले गरेका थिए ।
मेल्लेख लगायत अन्य कार्य क्षेत्रमा पनि अन साइट कार्यक्रम सम्पन्न भएकोे छ।
परियोजनाले विशेषगरी बर्थिङ सेन्टर स्वास्थ्य संस्था सुधार स्वस्थ्य क्षेत्र तथा सरसफाइ र बर्थिङ सेन्टर व्यवस्थापन,प्रभावकारी सेवा र आवश्यक सामाग्रीमा सहयोग पग्ने गरि काम गर्दै आइरहेको छ। बर्थिङ सेन्टर लाई नमुनाकाे रुपमा सेवा प्रवाहमा सहयोग पुग्ने गरि बिभिन्न क्रियाकलाप अगाडि बढाई रहेकाे छ ।
