फाल्गुण २६ मेल्लेख
अछाम मेल्लेख गाउँपालिका अध्यक्ष ज्वाला सिं साउदले गाउँपालिकाभित्रका विभिन्न विद्यालयहरूको वार्षिक परीक्षाको अनुगमन गरेका छन्।
साेमबार दुर्गादेवि मावि र जानकी आ.बि नन्देगडामा अनुगमन गरेका थिए ।
अनुगमनको क्रममा अध्यक्ष साउदले परीक्षा सञ्चालनका बारेमा जानकारी लिँदै विद्यालय व्यवस्थापन समिति, शिक्षक तथा विद्यार्थीहरूसँग संवाद गरे। उनले परीक्षा निष्पक्ष, मर्यादित तथा सुचारु रुपमा सम्पन्न गर्नुपर्नेमा जोड दिँदै विद्यार्थीहरूलाई आत्मविश्वासका साथ परीक्षा दिन प्रेरित गरे।
विद्यालय प्रशासनका अनुसार, अध्यक्ष साउदको अनुगमनले परीक्षामा अनुशासन कायम राख्न र विद्यार्थीहरूलाई सकारात्मक प्रभाव पार्न मद्दत पुगेको छ।
