अछाम जिल्लाको मेल्लेख गाउँपालिका वडा न.८ हतिकाेटमा एक महिने होजियारी सम्बन्धी सीप विकास तालिम सम्पन्न भएको छ ।
मेल्लेख गाउँपालिकाकाे सहयोग महिला बालबालिका शाखाको आयोजनामा एक महिने होजियारी सम्बन्धी होजियारी बुनाई तालिम मेल्लेख गाउँपालिका -८ हतिकाेटमा साेमवार सम्पन्न भएको हाे ।
स्थानीय महिलालाई जीवनोपयोगी सीप सिकाएर आर्थिक उन्नति गराउँदै आत्मनिर्भर बनाउन तालिम आयोजना गरेको महिला बालबालिका शाखा प्रमुख सावित्री खड्काले बताइन् ।
मेल्लेख गाउँपालिकाका वडा नम्बर .८ बाट बुनाई होजियारी सम्बन्धी सीप विकास तालिमका २० जनाको सहभागिता रहेका थिए । तालिम वडा न. ८ का वडा अध्यक्ष महेश ठकुल्लाकाे अध्यक्षतामा समापन गरिएको थियाे ।
वडा अध्यक्ष ठकुल्लाले तालिम समापनमा बाेल्दै तालिममा सिकेका कुराहरूलाई व्यवहारमा लागु गर्नुपर्ने भन्दै , यस्काे निरन्तरता हुनुपर्ने बताए ।
३० दिन सम्मको हातले बुन्ने होजियारी सम्बन्धी सीप विकास तालिममा सुइटर,गलबन्दि,टाेपि ,माेचा, लगायतका अन्य उनबाट बन्ने लुगा बनाउन सिकेको प्रशिक्षक सरला थापाले बताएकी छन ।
तालिममा समापनमा स्थानीय जनप्रतिनिधि वडा स्तरीय महिला संजालका पदाधिकारी लागायतकाे सहभागिता रहेकाे थियो ।
